Giòbia 29 de cabudanni 2022, a sas 06.00 de sero, in sa sala de su CSC UNLA de Aristanis
Su Tzentru Servìtzios Culturales UNLA de Aristanis e s’A.N.P.I. Comitadu Provintziale de ARISTANIS
presentant su libru de Sandru Dessì e Viviana Faedda
Il mondo di Antonio Gramsci (Volume II)
Da Caporetto a Vienna
(ISKRA Edizioni)
Partètzipant:
Carla Cossu
Sandru Dessì
Su libru – Su de duos libros de sa trilogia de Sandru Dessì e Viviana Faedda, in versione trilìngue (italianu, sardu e inglesu) chi, cun su limbàgiu de sos fumetos e de sas illustratziones, contat sa biografia istraordinària de Antonio Gramsci – comintzende dae sas cosa de ogni die e dae sos logos chi ant tentu importu mannu pro formare una personalidade non comune, dae sas comunidades piticas fintzas a sas tzitades industriales mannas - firmende∙si in Torinu (primu volume) e sighende a pustis in Mosca, Vienna, Roma (su de duos volumes) e in fines a sa vida difìtzile meda in presone, a giru in sa penìsula, fintzas a sa morte su 27 de abrile 1937 (su de tres volumes). Custu traballu, su tìtulu est "Da Caporetto a Vienna", torrende a tzucare dae Torinu, in ue s’est firmadu su primu volume, acumpàngiat in àteras tzitades italianas e fintzas foras dae s’Itàlia (in antis in Mosca e a sa fine in Vienna), in ue at a acabbare, pro como, su biàgiu nostru. Sa tradutzione in limba inglesa est de Myriam Cannas e Heater J. Empey; in limba sarda, de Angelo Canu.
Sandru Dessì – Est nàschidu in Casteddu in su 1969 ma est residente dae piticu in Armùngia; dae giòvanu meda at incomintzadu a disegnare e a pintare cun tècnicas diferentes.
Dotzente de Matèrias literàrias e Istòria de s’Arte e apassionadu dae semper de fumetos, chi ddos cunsìderat un’istraordinària e no isfrutada aina didàtica, cuncordat cursos de fumeto.
Faghet parte, comente cumponente de sa giuria, de unos cantos fèstival literàrios sardos de importu.
(MM)
