Capìtulu II: Su potere de su faeddu
Chenàbura, su 22 de trìulas a sas 09,00 de sero in su Tzentru Servìtzios Culturales Unla, in sa carrera Carpaccio in Aristanis, sighint sos addòbios de sa de XII editziones de Su Giardinu de su Tzentru / Il Giardino del Centro cun sa projetzione de su documentàriu
Anna Lorenzetto, una rivoluzione silenziosa de Simona Fasulo e Anna Maria Sorbo (Itàlia, 2019, 61').
Partètzipant:
Simona Fasulo (Iscritora, autora, regista)
Anna Maria Sorbo (Autora, iscenegiadora, giornalista)
Vitaliano Gemelli (Presidente Natzionale de s'UNLA).
Su documentàriu "Anna Lorenzetto. Una rivoluzione silenziosa" de Simona Fasulo e Anna Maria Sorbo presentat sa biografia de sa pedagogista e fundadora de s’UNLA e cussu chi est istadu s’impignu prus mannu suo: s’òpera istraordinària de alfabetizatzione de su Sud Itàlia gràtzias a sos Tzentros de Cultura Populare, chi dae su 1949 dae sa Basilicata a sa Calàbria, dae sa Campània a sa Sardigna, ant difùndidu sos valores de s’educatzione e de sa democratzia e ant mudadu sa vida de dosinas e dosinas de persones e de unu muntone de biddas.
Mancari sa sotziedade de oe siat cambiada, s’educatzione permanente, s’imparare totu sa vida chi, podimus nàrrere, at imbentadu Anna Lorenzetto sighit ancora in sas atividades de sos Tzentros UNLA betzos e noos. Est pròpiu custu su fundamentu de su traballu documentarìsticu: connòschere dae sas testimonias diretas e materiales de repertòriu una parte de importu de s’istòria nostra colada, fàghere a cumprèndere s’importu pedagògicu e sotziale de s’initziativa contende sos fatu prus significativos e comente cussa istòria de conchistas colletivas sigat ancora oe.
In su documentàriu bi sunt fintzas testimonias de sa Sardigna.
"Dae s'addòbiu cun s’òmine de su trenu est nàschidu cussu progetu polìticu chi est istadu s'Unla.
Su sèberu de s'alfabetizatzione comente incomintzu pro afrontare fintzas sos àteros problemas culturales, sotziales e econòmicos, no est istadu unu casu. S'alfabetizatzione de sa gente manna, in una sotziedade moderna, tenet una càrriga rivolutzionària naturale contras de sos sistemas de sa matessi sotziedade, ca sa motivatzione de s'alfabetizatzione est dòpia: personale e generale, de s'indivìduu e de sa sotziedade. Custu ispiegat pro ite s'alfabetizatzione de sa gente manna non est istada mai afrontada a beru si non dae cussos Paisos chi cherent retzire e rispetare fortzas sotziales, culturales e econòmicas noas e ativas comente polìtica."
Anna Lorenzetto, Dal profondo Sud - Storia di un'idea, Edizioni Studium, Roma 1994
(MM)
