Ocannu, a pustis de tres annos firmos pro neghe de su Coronavirus, si torrat a sa traditzione de su cuntzertu de Nadale fatu dae sos istudiantes de su Litzeu musicale “Benedetto Croce” de Aristanis.
S’esibitzione, aberta a totus, s’at a fàghere cras 21 de nadale in sa crèsia de Santu Pàule Apòstolu a sas 7 e mesa de sero (h 19,30).
Pro sa prima borta su cuntzertu at a èssere finas in direta streaming dae su situ de s’iscola (https://www.magicroce.edu.it/concerto-natale-21-dicembre-2022/).
“Custu est unu momentu de crèschida manna pro sos istudiantes nostros, chi faghent custa atividade cun cuntentesa manna – narat su dirigente de s’istitutu, Salvatore Maresca -. Torro gràtzias a sos chi ant permìtidu de la fàghere, in manera particulare a s’Archipìscamu de Aristanis mussegnore Roberto Carboni, a su pàrracu de sa crèsia de Santu Pàule Apòstolu don Matteo Ortu, a sa sotziedade in house SPO, a su personale ATA, a sos dotzentes e a sos istudiantes”.
Su programma cumpletu de su cuntzertu si podet agatare intrende in su link http://www.oristanonoi.it/2022/12/gli-studenti-del-liceo-musicale-di-nuovo-sul-palco-con-il-concerto-di-natale/
(GF.P.)
