SpostaMenti est su tìtulu de sa rassigna tzinematogràfica dedicada a su BIÀGIU cuncordada dae su Tzentru Servìtzios Culturales Unla de Aristanis.
Sos film ant a èssere projetados in sa sala de su Tzentru etotu, a sas 06,30 de sero, s’11, su 18 e su 25 de santandria 2022. S’intrada est lìbera, non si pagat.
Su sèberu de sos film no est istadu fàtzile, ma sos tres chi sunt istados seberados mustrant ognunu unu biàgiu diferente, bìvidu in maneras diferentes ma chi tenent a cumone un’aspetu: su biàgiu a sa sola.
In Nomadland si contat s’istòria de una fèmina chi, pro tzircustàntzias diversas, s’agatat a bìvere una vida de nòmade; in I sogni segreti di Walter Mitty su biàgiu est in logos de bellesa prus che ispantosa e, a manera prus che irònica, contat sas aventuras de unu fotoreporter chi bivet sa vida sua a tesu dae giassos còmodos; in fines, Una storia vera, contat de un’òmine chi tzucat pro unu biàgiu ‘de su coro’ pro torrare in paghe cun unu frade chi est a tesu.
Programma
Chenàbura 11 de santandria, a sas 18,30
Nomadland de Chloé Zhao 105' (USA 2021)
Chenàbura 18 de santandria, a sas 18,30
I sogni segreti di Walter Mitty de Ben Stiller 114' (USA 2013)
Chenàbura 25 de santandria, a sas 18,30
Una storia vera de David Lynch 111' (USA, Francia 1999)
(MM)
