Su Comunu de Prammas cuncordat una gita a Carloforte po su 2 de su mesi de làmpadas, po sa manifestatzioni "Girotonno".
Si podint scriri is tzitadinus residentis in Prammas chi tenint tra is 18 e is 50 annus non fatus, (podint pigai parti finas pobiddus e mulleris chi tenint prus de 50 annus e is fillus e fillas minoris) e is tiztadinus chi non sunt residentis in su comunu de Prammas cun is matessisi recuisitus, ma feti chi abarrat postu.
Po is residentis in Prammas sa gita est a indonu, is chi non sunt residentis ant a pagai una cuota de 15 èurus.
Ant a podi pigai parti non prus de 62 persones.
Su logu de s’atòbiu est sa pratza de crèsia de Santu Antiogu. Sa partèntzia est a is seti e cuartu de mangianu e s’at a torrai a bidda non prus tradu de is seti de merì.
Is istàntzias tocat a ddas intregai a su comunu intra a su 18 de maju. S’ufìtziu de referimentu est cussu de su servìtziu tzivili in sa bia Rinascita 17, acanta a is postas. S’ufìtziu est abertu de su lunis a sa giòbia de is noioras a sa una e mesu de mangianu e de is cuatru a is seti de merì e sa cenàbura de is noioras a sa una e mesu de mangianu.
Sa domanda si podit mandai finas a manera telemàtica sighendi custu link:
http://comune.palmasarborea.or.it/istanze-online/istanza-dettaglio/2701848
