Su Giardinu de su Tzentru Servìtzios Culturales Unla de Aristanis lompet a su de III capìtulos de su programma 2022.
Martis, su 26 de trìulas – chenàbura, su 29 de trìulas e martis, su 02 de austu
a ora de sas 09.00 de sero
DROMOS, pro sa de XXIV editziones, cun sa rassigna de tzìnema Saltimbanchi, illusionisti e giocolieri della vita, at projetare tres film chi contant s’istòria de vidas in dificultade manna chi agatant agiudu dae sos artistas chi traballant e giogant peri sas carreras o dae magos o dae sa gente chi bivet e traballat in su tzircu.
Martis 26 de trìulas, a sas 09,00 de sero
Pa-ra-da - Regia de Marco Pontecorvo, cun Jalil Lespert, Daniele Formica, Evita Ciri, Gabi Rauta, Patrice Juiff, Bruno Abraham-Kremer. Itàlia, Frantza, Romania, 2008, durat 100 minutos.
Tres annos a pustis chi in Romania acabbat su regime de Ceausescu, arribat a Bucarest Miloud Oukili, unu palliatzu frantzesu, chi agatat una situatzione de sas peus: b’est una tzitade suterrànea in ue bivent pipios e pitzocos giòvanos fuidos dae s’orfanotròfiu o dae sas famìllias. Est una comunidade chi si gestit a sa sola ma pro campare sos pitzocheddos furant, si drogant e faghent cosas orrorosas.
Miloud, cun s’esperièntzia de su traballu suo, a pustis de àere conchistadu sa fidàntzia de sos giòvanos, ddos faghet diventare artistas chi ancora oe traballant peri sas carreras de totu su mundu
Chenàbura 29 de trìulas, a sas 09,00 de sero
Non è ancora domani (La Pivellina) - Regia de Tizza Covi, Rainer Frimmel, cun Patrizia Gerardi, Asia Crippa, Walter Saabel, Tairo Caroli. Itàlia, Àustria, 2009, durat 100 minutos.
Patti at pèrdidu su cane suo e chirchende∙ddu ddi càpitat una cosa chi at a mudare sa vida sua e cussa de sos artistas de unu tzircu piticu chi bivet in sa periferia de Roma. In unu parcu Patti agatat Asia, una pipia de prus o mancu duos annos, sètzida sola in su tzantzigannenne. A sa pitzinnedda sa mama in su giubboto ddi at postu unu billete in ue pedit de si nde incurare de sa pipia e chi at a torrare a si dda leare. Sa fèmina at a leare a Asia in sa roulotte sua, mancari chi su pobiddu suo, Walter, a s’incomintzu tèngiat dudas e diat a chèrrere avisare sa politzia. Patti, cun s’agiudu de Walter e de Tairo, unu pitzocheddu de trèighi annos, tenet a sa pipia e sighit a chircare a sa mama. Cun sa gente chi traballat in su tzircu Asia at a connòschere relatziones, umanidade e tolleràntzia.
Martis 2 de austu, a sas 09.00 de sero
L'illusionista - Regia de Sylvain Chomet, cun Jean-Claude Donda, Edith Rankin, Jil Aigrot, Didier Gustin, Frédéric Lebon. Animatzione. Gran Bretagna, Frantza, 2010, durat 80 minutos.
A s’acabbu de sos annos '50 de su Noighentos sa carriera artìstica de un’illusionista frantzesu betzu non tenet prus resurtados bonos ca sos tempos sunt cambiados, bi sunt àteros ispàssios e non b’at prus gente interessada a s’ispetàculu suo. Ma in un’esibitzione in una biddighedda de sas Highlands iscotzesas s’ispetàculu suo de maia incantat s'ànimu puru de Alice. Nde naschet un’amistade manna e Alice detzidet de andare paris cun issu a Edimburgo. Sa giòvana est cuntenta, pensat chi sos trucos siant realidade, s'illusionista non tenet su coràgiu de ddi fàghere a cumprèndere sa beridade e dda lassat bìvere in su mundu de sas illusiones, a su nessi fintzas chi Alice no at a èssere crèschida. Su film est nàschidu dae un’istòria bera.
(MM)
