Su Comunu de Aristanis at abertu is iscritzionis po su servìtziu “Together is better” po pipius e piciocheddus de is ses a in dexiaseti annus.
Su progetu “Together is better” est su servìtziu de animatzioni sportiva po is minoris residentis in Aristanis. Est una manera de permìtiri a totus de fai sport, e de gosai de is valoris educativus e sotzialis chi sunt acapiaus a custa atividadi, pensendi siat a is pipius chi tenint calincuna disabilidadi , siat a cussus chi tenint dificultadis econòmicas e non si ddu podint permìtiri.
Ant a gosai de custa initziativa 35 pipius e pipias e piciocheddas e piciocheddus de edadi tra is ses e is dexiaseti annus, residentis in Aristanis cun disabilidadi o chi bivint in cunditzionis sotzialis e familiaris sbantaxadas e cun un ISEE non prus artu de 9.000 èurus.
A fai su progetu at a èssiri una dita o assòtziu ancà ddui traballat personali cualificau I.S.E.F. o laureaus in Scièntzias Motòrias. Is atividadis de Yoga, Fitness, Muay Thai, MMA, Kickboxing, Ginnàstica Posturali, Pesistica, Powerlifting, Brazilian Jiu Jutsu e Functional Traning ant a andai a innantis po 10 mesisi e seti oras a sa cida.
Is domandas tocat a ddas mandai, imperendi su mollu dedicau, intra de su 27 de su mesi de cabudanni a is duas de meigama: o a manu a s'Ufìtziu de su Protocollu in sa Pratza Eleonora, Palatzu Campus Colonna, de su lunis a ca cenàbura de is noioras a mesudì e mesu e su martis de is tres e mesu a is cincu e mesu de merì; o cun racumandada a s'indiritzu Comunu de Aristanis - Protocollu Generali, Pratza Eleonora, Palatzu Campus Colonna – 09170 Aristanis; o a posta eletrònica ordinària protocollo@comune.oristano.it o certificada (PEC) istituzionale@pec.comune.oristano.it .
