Su Responsàbili de su servìtziu Sòtziu Culturali fait a sciri ca, sighendi is initziativas de carateri sotziali, su comunu at a cuntzedi a is tzitadinus chi tenint is recuisitus (inditaus in unu regulamentu dedicau) terras po fai ortus sotzialis. Sa punna est cussa de insullai a impreai su tempus lìberu in atividadis chi favoressant s’agregatzioni e s’avaloramentu de s’ambienti foras de sa bidda, cuncordendi momentus de atòbiu, atividadis e vida sotziali.
Is terras chi si podint fai a ortu sotziali sunt in localidadi Su Padru (dexi lotus de prus o mancu 300 metrus cuadraus).
Is sugetus interessaus podint intregai sa domanda in custas maneras:
- cun una mail a s’indiritzu: sociale@comune.assolo.or.it
- cun sa PEC a s’indiritzu: protocollo@pec.comune.assolo.or.it
- portendi sa domanda a manu a s’ufìtziu de su protocollu de su Comunu de Assou.
A su mollu de domanda tocat a alliongiai una còpia de su documentu de identidadi e tocat a intregai totu intra a su 28 de maju de su 2024.
