Forsis a calicunu l'at a pàrrere istranu chi in sardu si potzant afrontare argumentos tècnicos e iscientìficos. E imbetzes…
E imbetzes faghet. S’ùrtimu chi nos l’at mustradu in craru est Giagu Ledda, dotore ispetzialista in Anestesiologia e Rianimatzione, chi s’at leadu s’impignu de cumpilare unu ditzionàriu mèdicu in sardu, indiritzadu a sos professionistas de sa salude, a sos istudiantes de sièntzias bio-sanitàrias, a psicoòlogos, potecàrios, biòlogos, chìmicos e a chie totu manìgiat custa matèria e est interessadu a sa limba sarda.
Obietivu de su ditzionàriu, chi est cumpostu dae unos 13.000 lemmas e locuntziones, est de agiuare a dare unu nùmene a cosas e cuntzetos e de propònnere tèrmines mèdicos noos pro chi sa terminologia mèdica potzat crèschere.
Su ditzionàriu est in fase de publicatzione in sa domo editora NOR, no at a istentare a èssere postu in cummèrtziu.
(GF.P.)
