In sa Sala de su Tzentru Servìtzios Culturales UNLA de Aristanis, in sa carrera Carpaccio pro sa rassigna Anima(L A)zione
Lunis 17 de santugaine a sas 05,00 de merie (h.17,00)
Ferdinand de Carlos Saldanha, Cathy Malkasian, Jeff McGrath
Gènere Animatzione, Aventura, Cummèdia, - USA, 2017, durada 108 minutos
Intrada lìbera
S’istòria: Su trau Ferdinand paret unu trau ferotze de sa corrida: est unu pegus robustu, cun su pilu nieddu e lùdigu ma de ìndule bona, unu trau chi, a manera diferente de totu sos àteros cumpàngios suos e mancari tèngiat istasa e fortza mannas, non nde dd’importat nudda de ddas mustrare e nemmancu de èssere unu trau de tìmere in sas corridas, unu trau chi ispramet sos toreros. A su contràriu, issu disìgiat una vida serena e tranchilla. Cando Ferdinand aberit sas nares e movet sa terra cun sas ungras, sa gente si nche fuit, ma issu fragat sas margaridas in sos campos, pro issu sunt una passione manna, o si pàusat in s’umbra de sas matas. E cando passìgiat peri sas biddas assoladas de Ispagna, sa gente serrat cun istangas sas ghennas e abòghinat ‘su trau, su trau’, ma issu sighit e divenit amigu de una pipia adoràbile e abbista. Abbista meda, meda prus de sos mannos chi non permitint a Ferdinand de bìvere sa vida sua in sos campos froridos e ddu faghent gherrare contras de sos toreros in sa corrida. Ma pro fortuna sua sos amigos suos de sa fatoria pensant a comente ddu fàghere fuire pro si nche torrare a domo. Serbit fortza, comente sa chi tenet issu, e èssere unu bravu atore.
(MM)
