De innoi ndi benint is istàtuas de Monti de Prama e poita ddas ant fatas? Est sa pregunta chi si faint in medas e is topis prus connotus de sa terra circant de arrespundi.
Sa Sardigna est stètia sa protagonista de su nùmeru 3585 de su fumetu Topolino, cun un bellu contu chi tenit a tìtulu 'Il mistero dei giganti', e chi fueddat difati de is istàtuas mannas mannas agatadas in su territòriu de sa provìntzia de Aristanis, in Crabas, 50 annus a oi.
Su contu, ancà cumparrint Topolino, Minni, Pippo e su professori Zapotec est unu traballu chi ant fatu duus autoris sardus: Luca Usai chi at fatu is disènnius e Bruno Enna, chi s'est ocupau de su contu.
Su contu circat de giai una spiegatzioni apitzus de sa nàscida de is gigantis.
In su contu agataus fintzas is nuraxis, is domus de janas e àterus sinnus de sa cultura sarda.
Sa stòria est bessida pròpiu in s'annu de s'anniversàriu de is 50 annus de is Gigantis.
No est sa primu borta chi sa Sardigna arribat me in is pàginas de Topolino; arregordaus difati su contu de su 1998 "Indiana Pipps e la valle della memoria perduta" e cussu de su 2012, "Indiana Pipps e l'energia dei giganti" .
