“Ita bolit nai a dii de oi a ndi pesai unu fillu in sardu? A ita podi serbiri sciri su sardu po una famìllia chi bivit in custus tempus? In cali manera si podit educai is fillus a su plurilinguismu?
A custas domandas at circau de arrespundiri Gianni Loy in su lìburu cosa suu. Issu si contat s'esperièntzia fata cun is fillus, pesaus in sardu in sa tzitadi de Casteddu, unu logu chi a bellu a bellu est bidendi sparessi sa lìngua nosta.
In custu lìburu s'autori si fait a cumprendi cantu siat difìtzili e longu su caminu po torrai a su sardu vida e dinnidadi. Issu circat de mandai unu messàgiu a totu is sardu: est spaciau su tempus de sa bregùngia, immoi tocat a nosu.
Unu lìburu chi iaus a dèpiri ligi totus, e prusatotu is babbus e mammas ca iant a podi fai unu traballu mannu po assigurai a sa lìngua nosta una vida prus longa.
