Su Comune de Aristanis at dispostu de suspèndere pro 30 dies sa protzedura aberta pro s’afidamentu de sos servìtzios bibliotecàrios comunales de sa tzitade e de sas fratziones.
At tocadu de suspèndere su servìtziu pro agiornare sos documentos de gara a su cuntratu culletivu natzionale Federculture nou, chi est vàlidu dae pagu tempus e previdet s’aumentu de sa paga pro sos traballadores.
In manera particulare, pro tutelare sos operadores chi ant a èssere impignados in su servìtziu, tocat a torrare a modulare su costu de su traballu e su cuadru econòmicu de s’apaltu, cunforme a su cuntratu culletivu de traballu nou.
(GF.P.)
