Su Rotary Club de Thiniscole a manu de pari cun su Comunu de Thiniscole at bandiu su de 19 cuncursus de poesia in lìngua sarda “Viniscola”.
Su cuncursu est a una setzioni sceti e a tema lìberu, sena de sartai 40 versus. Ndi podint pigai parti totu is chi bolint, mannus e pipius, de cali si siat logu tèngiant sa residèntzia e impreendi totu is variedadis de sa lìngua sarda.
Is poesias depint arribai a 5 còpias craras e bellas a ligi, aintru de su 15 de abrili de su 2024 a su Rotary Club de Thiniscole.
In prus de su prèmiu, postu in contu po is primu tres, nci at a ai finas un'arrembursu de 50,00 èurus po is spesas de biaxi, po permiti a is bincidoris de andai a sa premiatzioni.
In sa giuria ddui at a ai genti esperta de literadura e de cultura sarda e su giudìtziu suu no at a fai a ddu murrungiai.
Is òberas non s'ant a torrai acoa.
Po ndi sciri de prus ligi su regulamentu
