Mèrcuris 20 de martzu a sa ora de is 6 de merii in su Tzentru Servìtzius Culturalis UNLA de Aristanis, in ocasioni de su de 12 festivals “Buon compleanno Faber”, s'at a proietai su film de Enrico Pau “l'ombra del fuoco – S'umbra 'e su fogu”.
At a arraxonai cun su regista Marco Asunis, Presidenti de sa FIGC.
Su film est unu documentàriu de 64 minutus in lìngua sarda e italiana chi contat de su paesàgiu nieddu de su Montiferru apustis de essi passau su fogu mannu chi ddu at abruxau. Contat de cussu fogu chi at fertu is olivàrius, sa mata millenària de olia, su coru de sa genti, ma contat finas de su miràculu de sa natura torrada a intzeurrai.
