In su mesi de argiolas in Aristanis s’at a podi pigai parti torra a is mericis de cìnema chi giai de sìguru s’ant a fai in sa pratza de su museu Diocesanu.
S’annu passau sa rassigna Effetto notte, chi dda cuncordat sa pro loco a manu de pari cun su comunu, fiat sartada po problemas polìticus.
Sa rassigna si iat a dèpiri fai movendi de sa metadi de su mesi de argiolas e finas a s’acabbu de su mesi de austu o a sucumentzu de su mesi de cabudani. Ant a èssiri cincu is filmis chi s’ant a propònniri, unu a sa cida.
Me in is cidas chi benint at a èssiri publicau sa calendàriu.
