In Aristanis torrat sa festa manna de su Rimèdiu, in onori de Nostra Sennora.
Ita previdit su programma?
Is afestamentus ant a cumentzai sàbudu su 24 de su mesi de austu, cun sa missa a is ses de merici e s'inghitzu de una mosta e unu cuncertu.
Su domìnigu 25 s'at a fai una peregrinatio Mariae: sa stàtua de sa Madonna at a èssiri acumpangiada a Bonacatu e at a cumentzai su pellegrinàgiu passendi po Milis, Tramatza, Santeru, Tzeddiani e Màssama.
Sa novena at a cumentzai su 29 de su mesi de austu e ònnia dii s'at a arripiti a is seti de mangianu e a is cincu e noioras de merì.
Sa missa manna s'at a fai sàbudu su 7 de cabudanni e cussa celebrada dae s'obiscu at a èssiri domìnigu s'8 de cabudanni in sa pratza de sa Basìlica: custa missa dd'ant a fai biri fintzas in televisioni in Tele Sardegna.
De importu mannu puru sa missa po is malàdius, chi s'at a fai lunis su 9 de cabudanni.
E a s'acabbu, martis su 10 de cabudanni a movi de is seti de merì, sa stàtua de sa Madonna at a movi faci a Sèneghe po sighiri sa Peregrinatio Mariae, chi custa borta at a tocai is biddas de Sèneghe, Narabuia, Arriora e Boàtiri, Nurachi e Solanas. Innoi, cenàbura su 12 de cabudanni s'at a fai sa missa e sa fiaculada cun sa stàtua de sa Madonna chi at a torrai in sa crèsia de su Rimèdiu. At a èssiri mons. Gianfranco Murru at a aculliri sa stàtua, acabendi is afestamentus.
