Petza bella e spàssiu po totus. Unu merì intregau a sa cosa bona de papai e a s’arricreu in Siamamma cun s’editzioni noba de sa Sagra de sa brebei, chi s’at a fai sàbudu su 22 de su mesi de làmpadas de su 2024.
A movi de is otu e mesu de merì in su campu sportivu de sa bidda s’at a spainai su fragu bellu de is prus pratus tìpicus connotus, movendi de is malloreddus e finas a sa petza de brebei cun patata e cibudda e a su casu e su binu de su territòriu.
Is mannus ant a pagai 15 èurus po papapi, invecis po is pipius e pipias sa cuota est de 10 èurus.
In s’interis de sa festa s’at a podi pigai parti a una ammosta de tratoris antigus.
Ballus e mùsica sarda cun su sonadori Gianni Ore.
No ant a ammancai mancu momentus de spàssiu po is prus pitius e pitias: ddui ant a èssiri giogus gonfiàbiilis pop-corn e tzùcuru filau.
Sa sagra est cuncordada e promòvia dae sa Pro loco de Siamanna cun s’agiu de de su Comitau de Santa Luxia e su patrocìniu de su comunu.
