BONÒRCILI – Bidda antiga, faiat parti de su Giudicau de Arbarei in sa Curadoria de Bonòrcili.
S'agatàt in su sartu chi immui est de Mòguru.
Candu ndi fiat arruta Neapolis, a faci de su de VIII secùlus, is bividoris suus iant ammanniau sa bidda de Bonòrcili, chi fiat diventada aici capulogu de sa Curatòria.
Su primu àutu anca est arremonada Bonòrcili est de su 1102, non ddui est invècias me in firmatàrius de sa Paxi de su 1388, podit essi po mori de s'ispopulamentu, ma est atestau in su censimentu de su 1483 cun 216 bividoris. In su mesi de abrili de su 1527 is saràcenus iant afracau sa bidda bocendi-ndi genti meda, is pagus sarvaus si nci fiant fuius a Mòguru. Podit essi chi prus in antis sa genti fiat torrada a bidda ma una relata de Martinu Carillo de su 1577 cunfirmat ca Bonòrcili si fiat spèrdia.
In su 1580 su canònicu Fara arremonat sa bidda sdorrobada e scempiada.
De su lìburu “Bonorcili, sfortunata erede di Neapolis” di G.Boassa
