Funt inghitzas cenàbura passada is letzionis-cunferèntzia de s’Universidadi de sa Tres Edadis de Aristanis.
Est tocau a Professori Ignazio Putzu a aberri s’annu, cun sa cunferèntzia a pitzus de sa Linguìstica e de s’importàntzia de su stùdiu scientìficu de is lìnguas.
Dd’at sighiu, ariseu, Giovanni Mele, geòlogu, chi at arraxonau de geografia de sa Sardigna cun is imàginis de sa Provìntzia de Aristanis.
S’atòbiada chi s’aspetat, invècias, est cussa de cras 20 de onniasantu, cun Luigi Piredda studiosu de Stòria aristanesa. A is 4 e mesu de merii, in sa sea de UNITRE in Pratza de is Bois, nci at a essi sa cunferèntzia a pitzus de sa figura de Eleonora de Arbarei in s’Otuxentus “Dalla nascita al mito di Eleonora”.
Cenàbura 22, sèmpiri a is 4 e mesu de merii Aldo Cinus, Augusto Marini e Mariano Staffa, meigus, ant a chistionai de traditzionis popularis, in mesu a totu de sa figura de s’acabbadora intra de mitu e realidadi.
Lunis 25 a sa pròpia ora sa maista de Scièntzias Naturalis, Anna Niola, at a chistionai de climatologia, in mesu a totu de cambiamentus climàticus.
Is atòbius funt abertus a totus.
