Su Tzentru Servìtzius Culturalis UNLA de Aristanis est cuncordendi duus cursus de informàtica de basi chi at a fai Angelo Spano maistu de informàtica.
Ònnia cursu s’at a fai in 10 atòbius de duas oras cadaunu.
Su primu at a inghitzai martis 15 de su mesi de ladàmini e at a sighiri is cenàburas e lunis afatantis, a su mangianu movendi de is 10 e mesu finas a is mesudii e mesu.
Su segundu at a inghitzai sèmpiri su 15 de su mesi de ladàmini a is pròpius diis de su primu, ma s’at a fai a su merii movendi de is 4 e mesu finas a is 6 e mesu.
A ònnia cursu podint pigai parti 8 personis chi ant a tenni a disponimentu unu compùteru cadaunu po is letzionis.
Is chi bolint pigai parti a su cursu depint essi iscritus a su Tzentru e depint cumpilai mollu aposta a disponimentu in su Tzentru, ponendi a craru ca non fait a fai iscritzioni a posta eletrònica o a telèfonu. S’ant a pigai a is cursus is primus chi nci ant mandau dimanda.
Po podi pigai parti a su cursu non si pagat nudda.
