Su Tzentru Servìtzius Culturalis UNLA de Aristanis at cuncordau “Cinema in tasca”, unu laboratòriu de fainas po fai film chi at a fai Antonello Carboni.
Is chi ant a pigai parti, in mesu a totu, ant a imparai siat is fundamentus chi abisòngiant a ndi pesai unu contu curtzu fatu de imàginis e siat su linguàgiu cinematogràficu.
Su laboratòriu s’at a fai martis 17 e 24 de cabudanni e su 1 de su mesi de ladàmini movendi de is 4 e mesu finas a is 6 e mesu de merii e at a essi a indonu.
Dd’ant a podi pigai parti 10 personis, chi apant giai fatu 15 annus de edadi, abisòngiat a teni cellulari, fotocàmera, cavu de connessioni a su compùteru, compùteru a tauledda e s’essi iscritus a su Tzentru Servìtzius Culturalis.
Po podi pigai parti a su laboratòriu tocat a fai rechesta mandendi-nce-dda sceti a posta eletrònica a s’indiritzu iniziativecsc@centroserviziculturali.it; s’ant a pigai is primus chi nci ant mandau rechesta.
Po ndi sciri de prus bai a su giassu de su Tzentru.
