Sa ASL n.5 de Aristanis, paris cun su Tzentru de Saludi Mentali e su Tzentru Servìtzius Culturalis UNLA de Aristanis at cuncordau “La stanza degli spettri”, unu èsitu scènicu de sa tròpara de traballu annualidadi 2023/2024 chi ant sighiu Savina Dolores Massa, Fabiola Biddau (educadora CSC), Paolo Campanaro (collaboradori scenogràficu) e Marcello Marras (diretori CSC).
In su palcu is binti discentis, chi ant traballau a su progetu inghitzau in su mesi de ladàmini de ocannu passau, ant a proponi is capassidadis, achiridas in totu custus mesis, de litura orali e espressiva e su essi meris de su corpus insoru.
Atobiada oi, a is 4 e mesu de merii in su Tzentru Servìtzius Sotzialis in sa bia de Carpaccio, 9 in Aristanis.
