Movendi de is 5 e mesu de custu merii, in sa sala mediateca “Marina Pala” in su Tzentru Servìtzius Culturalis UNLA de Aristanis, s'at a podi abisitai “Che bel fiore” de Matteo Grussu.
Est un'ammosta de illustratzionis dedicada a sa Resistèntzia, a otanta annus de sa liberatzioni de su règimi nazifascista.
S'ammosta at a abarrai aberta finas a su 27 de maju de su 2024, e si podit abisitai movendi de is 9 oras de mangianu finas a sa 1 de meigama e de is 4 de meigama finas a is 7 de merii, de su lunis a sa cenàbura. Custa giòbia e cenàbura, 25 e 26 de abrili su Tzentru at a abarrai serrau.
