Cenàbura, 12 de su mesi de argiolas, nci at a essi su de 4 atòbius de “Il Giardino del Centro 2024”chi ocannu at tocau sa de 14 editzionis a tema “Terre”.
S'at a proietai, a is 9 oras de merii in su giardinu de su Tzentru Servìtzius Culturalis UNLA de Aristanis, in sa bia de Carpaccio 9, su film “Un ponte per Terabithia” (USA, 2009, 95'') de Gabor Csupo.
Su film chistionat de unu piciocheddu, Jess chi at a biri sa vida sua mudada candu aciapat a amiga Leslie, una fedali apena arribada a sa scola anca andat cussu. Is duus s'imbentant unu logu imaginàriu, po s'apuntu Terabithia anca s'ant a intendi rei e reina.
