Cenàbara 16 de freàrgiu, a is 7 de merii, in sa Pinacoteca comunali Carlo Contini de Aristanis, s'Assessorau a sa Cultura de su Comuni de Aristanis e sa Fundatzioni Aristanis ant incingiau sa mosta “Un Contini ritrovato, anzi due...”
Si ndi est incurau de sa mosta Obler Luperi cun s'agiudu po dda cuncordai de Franco Moi e Stefano Boi.
Sa mosta contat de una tela agatada chi at pintau Carlo Contini in su 1934 e chi spicat po essi pintada in totu ambaduas is facis. A faci ddui funt afiguradas piciocas cun broca, a palas ddui at una parti de un'àteru cuadru mannu cuau de seguru de Contini etotu, chi afigurat una prucessioni religiosa cun cunfradas. Totu e duas is pinturas arregordant s'arrastu de Giuseppe Biasi.
Sa mosta acabbat su 16 de martzu.
