Su papau biancu est unu durci chi tocat a papai a cocerinu a logus cun s’aciunta de saba.
Sa ritzeta est lesta e de pagu ingredientis:
. 1 litru de lati
- 7 o 8 culleras de tzùcuru
- 70 gr de àmidu de cixirilianu o de trigu
- 1 còrgiu de limoni tratau
- mesu còrgiu de aràngiu tratau
- 1 o 2 culleras de àcua de frori de aràngiu
In una pingiadedda poni tzùcuru e àmidu, ghetai a bellu a bellu su lati amesturendi-ddu a su còrgiu tratau de limoni e de aràngiu e a s’àcua de frori de aràngiu.
Poni in su forreddu a pampa bàscia e sighiri a amesturai a bellu a bellu finas a inghitzai a buddiri (studai su forreddu a is primu bubullucas).
Ghetai totu in una timballa, lassai scidrai.
Sa decoratzioni est a praxeri.
