Siamanna
In Siamanna de importu mannu po su chi pertocat s'archeologia, agataus su Nuraxi de Santu Juanni chi s'agatat in su territòriu de sa bidda distanti prus o mancu unu chilòmetru de sa bidda de Biddobrana. Est unu fràigu a una turri feti, fatu de arrocus de pedra niedda pagu pagu traballaus. Su passaditzu a s'intrada portat a unu aposentu ancà sa tholos est ancora intera. Su pranu de susu chi nd'est arrutu giai totu, est prenu de erba e figu morisca.
Simaxis (San Vero Congius)
In Simaghis, de grandu interessi stòricu ddui est sa crèsia de Santu Teodoru de Còngius. Custu fràigu antigu ndi dd'ant pesau tra su de VII e su de VIII sec.
In su tempus sa crèsia at tentu interventus de annoamentu, chi nd'ant mudau is caraterìsticas originàrias. A pagu tretu de custu fràigu si podint abbisitai is ruinas de aterus duus edifìcius religiosus: sa crèsia de Santu Nicolò de Mira e cussa de s'Àngiulu. Custus logus narant meda apitzus de sa cultura religiosa e de s'arti bizantina in s'ìsula.Custa crèsia est unu testimòniu de importu in una regioni arrica de traditzioni e cultura.
