Tzòrfoliu
In sa localidadi de s'Ungroni agataus su nuraxi de Mesu, su prus mannu e su mellus allogau de sa bidda. Unu fràigu cun duas turris e unu putzu nuràgicu. De importu finas su chi est abarrau de àterus duus nuraxis Jana e Cagotti, acanta de sa bidda. Pagu cosa abarrat invecis de àterus tres nuraxis: Crabai, su Strampu e Santu Giuanni.
Sa presèntzia romana est testimongiada de su àiri agatau unu dischixeddu de brunzu cun tacas de su de duus sèculus, e de su cimitòriu piticheddu de Santu Giuanni, cun tumbas de s'edadi de s'imperadori Adriano. Acanta si ndi strantaxat sa crèsia de Santu Giuanni Batista, a sa bessida de sa bidda.
Sabarussa
A Sabarussa si podit abbisitai s'àrea archeològica Pìdighi, ancà agataus tres nuraxis. Pidighi e Muru Accas, si assimbillant meda mancai su stadu de cunservatzioni siat diferenti.
In ambaduus ddui est una turri e unu corpus aciuntu cun aintru una cortilla scoberta e una turri segundària. Aintru a is turris ddui at unu aposentu cun bòvida a cùpula. In sa turri principali de su nuraxi Pìdighi si podit biri una scala chi artziat faci a s'aposentu de su pranu de susu.
