De ita boleus fueddai oi?’ est s'initziativa apariciada de su Sistema Bibliotecàriu urbanu, aintru de su progetu "Sa lìngua in Cuartu".
Narat sa locandina: “Deu portu su tei, bosatrus portais sa tassa, e, chi boleis, unu testu de unu libru, cantzoni o poesia”. Is impitadoris ant a podi cumpartziri unu lìburu, una poesia, una cantzoni e ndi fueddai in lìngua sarda.
Is atòbius ant a movi de su 6 de su mesi de onnisanti e s'ant a fai in sa biblioteca de sa bia de Mar Ligure, a movi de is cincu de merì, ònnia mèrcuris. Duncas un àtera manera chi su comunu de Cuartu est imperendi, paris cun àteras initziativas, po promovi e amparai sa lìngua sarda; gratzias finas a su traballu mannu chi est fadendi s'assòtziu culturali LARAS - Suoni e Parole di Sardegna APS.
Po si scriri a is atòbius in sa biblioteca faci a mari, bastat a incuadrai su QR Code chi ddui est in sa locandina e fai sa domanda cun su mollu chi agatais in lìnia. Sa sola arrègula chi tocat a arrispetai me in is laboratòrius est cussa de fueddai feti in sardu. Po acraramentus fait a tzerriai a su nùmeru 3486704255 o a mandai una mail a s'indiritzu f.zurru@libero.it
