Sa formatzione de UniTre Aristanis ista chida est diversa dae sas àteras. Eris, lunis 16 de ghennàrgiu, su còmicu Benito Urgu at fatu una resonada cun su pùblicu de s’Universidade de sas Tres Edades.
Cras, mèrcuris 18 de ghennàrgiu, sa dotzente de lìteras Marisa Uras at a fàghere una cunferèntzia intitulada “Con Émile Zola e Iride Peis nel ventre della terra: vite spezzate per un pezzo di pane”, in ue Maria Antonia Sedda at a lèghere carchi branu.
Chenàbura 20 de ghennàrgiu Antonello Garau, operadore culturale e espertu de limba sarda, at a faeddare de su tema “Crèschere cun duas limbas: ite profetu? Riflessione in contu de s’educatzione bilìngue cabudraxa in famìllia”.
Totu sos atopos sunt in sa sede de UniTre de Aristanis, in pratza Pintus (in su cugione cun carrera Galilei), e comintzant a sas 4 e mesa (h 16,30).
Pro nd’ischire de prus si podet telefonare a sos nùmeros 0783.393049 – 347.1067158 o mandare una mail a s’indiritzu suni3or@gmail.com.
(GF.P.)
