Logo della Provincia di Oristano

Provincia di Oristano - sito web ufficiale

Arabismos de s’atualidade: intro de sas paràulas foras dae sos istereòtipos

31/03/2022  - 

Mèrcuris 6 de abrile 2022 a sas 5 e mesa de sero (h 17,30) in su Tzentru Servìtzios Culturales UNLA e in direta streaming s’at a fàghere sa cunferèntzia “Arabismos de s’atualidade: intro de sas paràulas foras dae sos istereòtipos” de Ahmed Habouss cun Arianna Obinu.

Sos reladores ant a faeddare de s’universu àrabu-islàmicu movende dae sas paràulas de derivatzione àraba intradas a sa limba italiana.

Ahmed Habouss, antropòlogu, economista, sotziòlogu, dotzente in s’universidade “L’Orientale” de Nàpoli, at fundadu e dirigit s’Osservatòriu pro sos Istùdios Internatzionales de su Mediterràneu e si òcupat de temas interculturales. Est co-fundadore de sa rivista “Confronto: riflessioni sui modelli di sviluppo”, at publicadu paritzos istùdios in contu de s’Islam e de s’antropologia nordafricana e traballat dae tempus meda pro creare una rete de relatziones intre sas duas costas de su Mediterràneu.

Arianna Obinu est un’insegnante laureada in deretu islàmicu in s’universidade “L’Orientale” de Nàpoli. Est vitze presidente de OSIM (Osservatorio degli Studi Internazionali sul Mediterraneo) e si òcupat de limba e cultura àraba e migratziones.

(GF.P.)