Logo della Provincia di Oristano

Provincia di Oristano - sito web ufficiale

Candelaos

12/05/2022  - 

Sos candelaos sunt durches de mèndula, cun formas vàrias: columbas, frores, fruta, tzoculitas, canes, brochitas e àteras ancora. Sa mèndula mòlida a fine a fine si coghet unu pagu in su tzùcaru cotu e pro unas cantas dies si càriat fintzas chi est lisa lisa e bella pro fàghere sas formas chi, a pustis chi ant assutadu sentza ddas còghere in su forru, si decorant cun tzùcaru coloradu, tragea e oro.

In sa provìntzia de Aristanis, custos durches di faghent ancora in sas bidda de Ilartzi, Abbasanta, Aidumajore ma sunt semper prus pagas sas durtzeras o sas fèminas chi ddos faghent. A dies de oe est difìtzile medas a ddos bìere in sos cumbidos. Una borta fiant sas ‘bombonieras’ de sos isposòrios e si poniant fintzas in pitzu de sa turta de sos isposos; a pustis si faghiant fintzas pro sas festas de sa Prima Comunione e de sa Cunfirmatzione.

(MM)