Logo della Provincia di Oristano

Provincia di Oristano - sito web ufficiale

Contributos de sa Regione pro su funtzionamentu de tzentros e istitutziones bibliogràficas privadas

24/03/2022  - 

S'Assessoradu regionale de s‘Istrutzione Pùblica informat ca est istada fissada a sas 11:59 de note (23:59) de su 15 de abrile 2022 s’iscadèntzia pro presentare sas domandas pro sos contributos pro su funtzionamentu de tzentros e  istitutziones bibliogràficas privadas.

Podent presentare sa domanda de contributu Assòtzios, Fundatziones, Entes eclesiàsticos, Sotziedades
Cooperativas e lmpresas culturales costituidas a manera legale in forma de sotziedade, cun sede in su territòriu regionale, chi siant titulares de bibliotecas a disponimentu de sas comunidades.

Sos organismos interessados depent mandare sa domanda e totu sos allegados cumpilados in sos mòdulos aprontados dae s'Assessoradu regionale e a disponimentu in sas pàginas de su protzedimentu in su link:

https://sus.regione.sardegna.it/sus/searchprocedure/details/227

Sas domandas si depent mandare ebbia pro mesu telemàticu dae s'indiritzu de Posta Eletrònica Tzertificada (PEC) de su sugetu pedidore a s'indiritzu:  pi.benilibrari@pec.regione.sardegna.it

(MM)