} $(window).on("scroll touchmove", function() { $("#cc-cookies").css({"position": "relative"}, $(document).scrollTop() > 32); }); Provincia di Oristano | DISINFESTATZIONE (1)
Logo della Provincia di Oristano

Provincia di Oristano - sito web ufficiale

DISINFESTATZIONE (1)

04/05/2022  - 

Sa Regione cun sa lege regionale n. 21/99, at trasferidu a sas Provìntzias, dae su 1u de ghennàrgiu 2000, sas funtziones chi pertocant a su controllu de sa gherra contra a sos bobbois chi faghent dannu e a sos parassitas de s’òmine, de sos animales e de sas matas. In sa Provìntzia de Aristanis, pro more de sas caraterìsticas geomorfològicas de su logu, resurtat difìtzile meda e onerosu controllare e firmare sa nàschida e difusione de sos bobbois malos e parassitas de s’òmine, de sos animales e de sas matas. Sunt bobbois e parassitas chi s’agatant in:

  • abba meda chi abarrat in parte firma e/o apojada prus che totu acanta de su mare,
  • àreas agrìculas cun canales meda pro abbare e e coras ismuntadas e sifones cun abba chi apojat,
  • àreas coltivadas a arrosu,
  • tumbinos de sas istradas cun abba apojada,
  • giardinos privados cun regorta de abba.

In prus, su calore ùmidu in istiu e su pagu fritu in s’ierru agiudat chi sos ambientes siant idòneos pro sos bobbois dannosos.

Sa gherra a sos bobbois dannosos non si podet fàghere isperdende in s’ambiente cantidades mannas  de meighinas e sustàntzias chìmicas, ma si depet èssere fata cun atziones de preventzione e sensibilizatzione de sa gente, osservatzione e controllu de sas àreas infestadas, sanende sos giassos infestados e bonifichende su territòriu. Sa Provìntzia, cun s’Ufìtziu Igiene e Profilassi – Setore Ambiente, cuncordat ogni annu unu programma de interventos  chi, prus che totu, tèngiant in contu custos inditos:

  • informatzione, sensibilizatzione e interessamentu de sa populatzione in contu de aspetos igiènicu-sanitàrios chi portant infestaduras e epidemias,
  • atividade de osservatzione e controllu de sos focolàios reales e potentziales e identificatzione entomològica de sos matessi,
  • ativatzione de collaboratzione cun sos Entes interessados pro sanare e bonificare sas àreas degradadas de su territòriu,
  • atividade de disinfestatzione cun mètodos biològicos, chìmicos e integrados.

S’atividade de s’Ufìtziu Igiene e Profilassi de pretzisu est:

  • Su controllu de sa tzìntzula cun atziones pro ispèrdere sos bermes de sa tzìntzula e sa tzìntzula etotu etotu,
  • Sa disinfestatzione dae sa preta,
  • Sa disinfestatzione dae s'errìghina, pùlighe, musca, bespru, formiga,
  • Sa disinfestatzione dae sa formiga de sa linna,
  • Sa disinfestastatzione dae sos sòrighes,
  • Cumbata a su bobboi de sa parma (Punteruolo rosso).

Paris cun s’atividade de disinfestazione, giai dae carchi annu, si faghet fintzas atividade de sensibilizatzione, informatzione e educatzione de sa populatzione in contu de sos aspetos igiènicu-sanitàrios chi càusant s’isvilupu de sa tzìntzula, de s’errìghina, de sos sòrighes e de sos bobbois e parassitas in generale.

Sa punna est cussa de dare informatziones fàtziles de sa vida biològica de sos animales chi faghent dannu e chi nde prenent su logu, de comente e in ue bivent, de s’ambiente naturale issoro, de ite depet fàghere su tzitadinu pro evitare e s’amparare dae sas infestaduras e fintzas informatziones de s’atividade de disinfestatzione chi faghet sa Provìntzia.

(MM)X