} $(window).on("scroll touchmove", function() { $("#cc-cookies").css({"position": "relative"}, $(document).scrollTop() > 32); }); Provincia di Oristano | DISINFESTATZIONE (2): Sa Provìntzia impignada a nche ispèrdere sa tzìntzula
Logo della Provincia di Oristano

Provincia di Oristano - sito web ufficiale

DISINFESTATZIONE (2): Sa Provìntzia impignada a nche ispèrdere sa tzìntzula

11/05/2022  - 

S’àrea controllada a manera costante est cussa acanta de su mare, in su tretu chi andat dae Bosa a Marceddì, cun totu sos burgos de mare, sos giassos cun istànios, totu sas àreas ùmidas, sas biddas in sa costera e prus che totu sa tzitade de Aristanis, totu logos turìsticos.

Sa tzìntzula  non si podet ispèrdere de su totu, ma a su nessi si chircat de controllare s’infestadura a manera chi sos dannos e s’infadu non siant meda.

Sas ratzas prus comunes, infadosas e dannosas pro s’òmine, ca podent portare maladias, sunt sa Culex molestus e sa tzìntzula Tigre (Aedes albopictus), chi si agatant in tzitade e in sas biddas, s’Oclerotatus caspius, s’Oclerotatus caspius detritus chi bivent in sa laguna e s’Aedes mariae chi s’agatat in sos lacheddos de sas rocas de su mare

Pro chi s’atzione contra de sos bermes de sa tzìntzula siat profetosa bisòngia de ischire bene meda in ue, in su territòriu, sunt sos focolàios; duncas, pro organizare mègius sas atziones pro ispèrdere sa tzìntzula, sunt istados catalogados prus o mancu 500 focolàios de riprodutzione in giassos de sas costera de su territòriu provintziale dae Bosa a Marceddì.

De sòlitu si preferit chircare de ispèrdere sos bermes de sa tzìntzula e non sas tzìntzula ca est fintzas mègius no impestare s’ambiente de meighina pro dd’ispèrdere, sentza mancu èssere seguros  de otènnere èsitu bonu. In giassos diferentes de sas tzitades de Aristanis e de Bosa e acanta, in s’oru de su mare sunt istadas postas tràpulas de controllu chi dant inditos de canta tzìntzula b’at pro pòdere fàghere una disinfestatzione idònea.

(MM)