Logo della Provincia di Oristano

Provincia di Oristano - sito web ufficiale

Die internatzionale de su rispàrmiu energèticu

17/02/2022  - 

Su 18 de freàrgiu est sa Die internatzionale de su rispàrmiu energèticu, un’ocasione pro pensare e resonare  in contu de sos resurtados a dannu de s’ambiente chi tenimus  pro more de sos consumos e de s’isperdìtziu de s’energia. Totus depimus partetzipare: tzitadinos, guvernos, indùstrias si depimus impignare – in su pagu e in su meda – pro risparmiare energia in sas atividades nostras e in s’impreu de sa tecnologia chi oe faghet parte de sa vida nostra, siat pro tènnere prus pagu ispesas, siat ca bi sunt  formas  de energia chi ant a finire, siat pro amparare s’ambiente.

Carchi consìgiu:

  • Cambiare sas lampadinas traditzionales cun cussas chi consumant prus paga currente elètrica;
  • Pònnere impiantos fotovoltàicos, pannellos solares pro callentare s’abba, callentare e illuminare sa domo;
  • Progetare sas domos e sos edifìtzios a manera de isfrutare bene sa lughe naturale;
  • Fàghere semper sa manutentzione a sas caldàias e impiantos de riscaldamentu;
  • In sas domos, sos ufìtzios, sas iscolas, sas butegas impreare materiales isolantes.

 (MM)