BANDU-REGULAMENTU PRO PARTETZIPARE A S'ESAME DE ABILITAZIONE A S’ISCRITZIONE IN SU RUOLU DE SOS GHIADORES DE SOS VEÌCULOS O BARCAS IMPREADOS PRO SU SERVÌTZIU DE TRASPORTU PÙBLICU NON DE LÌNIA IN SA CÀMERA DE CUMMERTZIU, INDÙSTRIA, ARTEGIANADU E AGRICULTURA DE CASTEDDU-ARISTANIS - SESSIONE ANNU 2022
Inditos dae su BANDU-REGULAMENTU chi si agatat cumpletu in sa pàgina printzipale de su situ istitutzionale de sa Provìntzia de Aristanis.
[…]
Art. 1
[…]
Sos esames s’ant a fàghere in ABRILE 2022 e SANTANDRIA 2022, cun sa punna de permìtere a sos candidados non idòneos a sas provas de Abrile de pòdere presentare domanda noa in s’iscadèntzia de sos ses meses, prevididos dae sa normativa in vigore.
Su calendàriu chi pertocat a sa data, ora e logu de s’esame, cun s’elencu de sos candidados ammìtidos a s’esame, identificados a manera esclusiva cun su nùmeru de protocollu assignadu a sa domanda presentada, at a èssere publicadu in su situ de sa Càmera de Cummèrtziu de Casteddu-Aristanis a intro de deghe dies dae sa data de s’iscadèntzia pro presentare sas domandas.
Sos candidados chi presentant sa domanda tenent s’òbligu de abbaidare issos etotu in su situ camerale pro averiguare data, ora e logu de s’esame e fintzas de abbaidare 5 dies in antis de sa data de s’esame pro averiguare chi non siat mudadu su calendàriu publicadu.
ART. 2
ISCADÈNTZIA PRO PRESENTARE SAS DOMANDAS E RECHISIDOS PRO S’AMMISSIONE A S’ESAME
Sas domandas de ammissione a s’esame si depent presentare:
- a intro de su 18 de Martzu 2022 pro partetzipare a s’esame de Abrile 2022
- a intro de su 18 de Santugaine 2022 pro partetzipare a s’esame de Santandria 2022 cun una de custas modalidades:
- CUNSIGNA A MANOS, a intro de mesudie (h. 12.00) de chenàbura 18 de martzu 2022 e a intro de mesudie (h.12.00) de martis 18 de santugaine 2022, a s’Ufìtziu Protocollu, de sas sedes camerales de
- Largu Carlo Felice, 72 in Casteddu,
- Carrera Carducci, 25 in Aristanis
In custos oràrios de abertura a su pùblicu: dae su lunis a sa chenàbura (9.00–12.00)
- IMBIU CUN RACUMANDADA POSTALE A/T a custu indiritzu:
CÀMERA DE CUMMÈRTZIU DE CASTEDDU-ARISTANIS – LARGU CARLO FELICE N. 72 – 09124 CASTEDDU
Si si mandat cun racumandada A/T, at a èssere vàlida sa data de atzetatzione de su timbru dae s’ufìtziu postale, data chi no at a pòdere èssere de a pustis de su 18 de martzu 2022 e de su 18 de santugaine 2022.
No ant a èssere atzetadas sas domandas chi ant a arribare a pustis de sas datas indicadas.
Sa Càmera de Cummèrtziu de Casteddu-Aristanis non si leat peruna responsabilidade si sas comunicatziones si perdent o arribant in ritardu pro more de indicatzione isballiada o non cumpleta de su recàpitu dae parte de su rechedente, ne pro istorbos postales o pro cale si siat àtera càusa.
A pena de esclusione, sa domanda depet èssere:
- cumpilada impreende sos mòdulos chi si podet iscarrigare dae su situ www.caor.camcom.it – pàgina Abilitazioni Professionali – suta pàgina Esami Ruolo Conducenti;
- presentada cun s’imposta de bullu de € 16,00;
- cumpleta de sos datos anagràficos, còditze fiscale, indiritzu de posta eletrònica e nùmeru de telèfono de su rechedente;
- cumpleta de sa volontade espressada de chèrrere fàghere s’esame pro s’iscritzione (a pustis) in una setzione ebbia de su Ruolu, marchende sa casella de interesse;
- cumpleta de sa voluntade espressada de chèrrere fàghere s’esame in sa limba istràngia seberada (INGLESA, FRANTZESA, ISPAGNOLA, TEDESCA), marchende sa casella de interesse.
- cumpleta de sa voluntade espressada de chèrrere fàghere s’esame in sa TOPONOMÀSTICA DE CASTEDDU O DE ARISTANIS marchende sa casella de interesse.
In sa domanda su candidadu depet decrarare:
- de tènnere, a sa data de presentatzione de sa domanda, sos rechisidos personales, morales e professionales, prevididos dae s’artìculu 3 de s’allegadu a sa Deliberatzione de sa Giunta Regionale n. 12/30 de su 20.3.2012;
- de àere acumpridu s’òbligu iscolàsticu;
- de tènnere, a sa data de presentatzione de sa domanda, sa patente de guida vàlida pro sos veìculos chi si cherent impreare pro su servìtziu o, fintzas, patente de categoria superiore;
- de tènnere su Tzertificadu de Abilitatzione Professionale (C.A.P.) vàlidu pro sos veìculos chi si cherent impreare pro su servìtziu.
Pro averiguare ca si tenent custos rechisidos professionales:
-patente
-CAP
-atestadu tìtulu de istùdiu
paris cun sa domanda si depet mandare sa fotocòpia de s'originale de ogni documentu, e pro èssere atzetada sa domanda, est de òbligu chi in ogni fotocòpia allegada bi siat custa decraratzione cun data e firma:
“su/sa sutascritu/a (nùmene - sambenadu) informadu de sas responsabilidades penales prevididas in casu de decraratziones farsas, atestat, cunforma a sos artt. 47,75 e 76 de su DPR 445/2000, ca custu documentu torrat paris a s’originale chi est in possessu de su/sa sutascritu/a”
Data *******Firma********
Paris cun sa domanda si depent mandare fintzas sas fotocòpias de sa carta de identidade e tèssera sanitària.
Sos rechisidos (personales, morales e professionales) chi non si nde podet fàghere a de mancu pro s’ammissione a s’esame e a pustis pro s’iscritzione in su Ruolu su candidadu ddos depet tènnere cando presentat sa domanda.
ART.3
CASOS DE NO AMMISSIONE E AMMISSIONE CUN RISERVA
[…]
ART.4
COMENTE SI FAGHET ESAME
[…]
COMENTE AT A ÈSSERE SA PROVA ISCRITA
Pro fàghere sa prova de esame, chi est una prova iscrita de domandas cun risposta mùltipla, sos candidados si depent esertzitare in sa Banca datos Quiz publicada, paris cun su Bandu, in su situ de sa Càmera de Cummèrtziu de Casteddu-Aristanis
Pro essere ammìtidos a s'esame, sos candidados si depent presentare cun:
- mascarina FFP2, in su rispetu de sos protocollos sanitàrios prevididos pro esames in presèntzia;
- tzertificadu birde AFORTIADU;
- documentu de identidade vàlidu.
[…]
ART. 5
ISCADÈNTZIA E RECHISIDOS PRO S’ISCRITZIONE IN SU RUOLU GHIADORES - COMENTE PRESENTARE SA DOMANDA
[…]
MÒDULU DOMANDA DE ESAME
S’agatat in su situ camerale cun totu sos allegados.
[…]
MÒDULU DOMANDA DE ISCRITZIONE
S’agatat in su situ camerale cun totu sos allegados.
[…]
ART.6
PUBLICATZIONE ÈSITU ESAMES - COMUNICATZIONES - ACUMPRIMENTOS
ART. 7
TRATAMENTU DE SOS DATOS PERSONALES
(MM)
