S’Assessoradu regionale de s’Istrutzione pùblica dat a ischire chi, cunforme a su Decretu Ministeriale n° 44 de su 2 de freàrgiu 2022 cun sos “Critèrios e modalidades pro destinare su contributu mentovadu in s’artìculu 1, comma 797, de sa lege 30 de nadale 2021, n°234”, una parte de su dinari pro sos ispetàculos est destinadu, pro s’annualidade 2022, a agiuare sos carrasegares istòricos italianos.
Su dinari at a andare a comunes, fundatziones e assòtzios cun sede legale in Itàlia, istituidas in forma giurìdica e sena iscopu de balàngiu, chi sunt nàschidas e traballant nessi dae chimbe annos dae cando su decretu est atzetadu, chi tenent in sa cumpositzione sotzietària entes locales cun fine (postu in istatutu) de organizare e fàghere connòschere sos carrasegares istòricos, e chi potzant dare contu nessi de bintighimbe editziones chi si podent documentare, mancari non siant de sighidu.
Sa pregunta cheret presentada intro de sas 4 de sero (h 16,00) de su 28 de abrile 2022, impreende ebbia sos modellos aprontados e postos a disponimentu in sa setzione de sa prataforma online de sa Diretzione Generale Ispetàculu de su Ministèriu de sa Cultura in s’indiritzu https://www.dos.beniculturali.it/login.php.
Pro informos e crarimentos si podet mandare una mail a sa dotora Maria Laura Loizzi a s’indiritzu marialaura.loizzi@beniculturali.it.
(GF.P.)
