Logo della Provincia di Oristano

Provincia di Oristano - sito web ufficiale

In contu de limbas de minoria (3)

02/03/2022  - 

In su coro de Roma, in su parcu Rabin, b'est unu monumentu dedicadu a sa Limba Mama, chi est una còpia de su monumentu dedicadu a sa Limba Mama chi si agatat in Dhaka, sa capitale de su Bangladesh. Su monumentu de su Bangladesh est dedicadu a totu sos màrtires de cussu Istadu chi, cun su sacrifìtziu issoro ant permìtidu, in su 1971, de nde fàghere un'istadu separadu e de pretzisu a totu sos chi in su 1952 sunt mortos pro difèndere sa limba mama issoro, su Bangla. Difatis, in cussu annu sa politzia pachistana at mortu istudiantes de s’Universidade de Dhaka chi manifestaiant pro pedire chi sa limba issoro esseret limba ufitziale.

Su monumentu chi est in Roma est istadu inauguradu in su 2011, in ocasione de sa Die Internatzionale de sa Limba Mama, e dae tando - ogni annu - s'Ambasciada de su Bangladesh organizat una tzerimònia ufitziale tzelebrativa.

(MM)