} $(window).on("scroll touchmove", function() { $("#cc-cookies").css({"position": "relative"}, $(document).scrollTop() > 32); }); Provincia di Oristano | In su CSC UNLA de Aristanis presentada de Inavvertita luce de Annachiara Atzei
Logo della Provincia di Oristano

Provincia di Oristano - sito web ufficiale

In su CSC UNLA de Aristanis presentada de Inavvertita luce de Annachiara Atzei

09/05/2022  - 

Giòbia 12 de maju 2022, a sas 17,30, in sa Sala de su Tzentru Servìtzios Culturales UNLA de Aristanis, Anna Maria Capraro at a presentare, paris cun s’autora, su libru de Annachiara Atzei Inavvertita luce (Eretica Edizioni).

Su libru – Su corpus si nde abìgiat de su chi at bìvidu, su chi at passadu: si nde abìgiant sas manos, s’ischina, sos pilos e fintzas sas pibiristas. Ogni cosa mantenet su rastru de su chi sutzedet, in su giogu de dolore, o a bortas consolatzione, chi faghet sa memòria. Sas matas e sas fògias, sas ventanas e sos libros tratenent su chi est cuadu. Sa poesia est atentzione a su chi tenimus acanta, nos faghet connòschere sa realidade pro su chi si cumparit. Cumpensat su silèntziu e sarvat. Si faghet lughe.

Annachiara Atzei (Aristanis, 1979), bivet e traballat in Casteddu. Iscriet in Poetarum Silva e in Antas – Bimestrale de ambiente, istòrias e personàgios de sa cultura sarda e at collaboradu cun La Donna Sarda. Est autora de sa regorta de poesias Inavvertita luce (Eretica edizioni, 2021). Sas poesias suas sunt essidas in Nazione Indiana, Poetarum Silva e Poeti Oggi.

ATENTZIONE

In su rispetu sas normas anti-Covid, pro partetzipare a s’initziativa tocat a si pònnere sa mascherina FFP2.

(MM)