Logo della Provincia di Oristano

Provincia di Oristano - sito web ufficiale

“Monumentos Abertos” est torra in Aristanis cun 57 sitos culturales

13/05/2022  - 

Sàbadu 14 e domìniga 15 de maju Aristanis torrat a ospitare sa manifestatzione “Monumentos Abertos”, imbàtida a sa de vintises editziones.

Sa manifestatzione est coordinada dae Imago Mundi Onlus e, pro more de s’Amministratzione comunale e de sos tantos voluntàrios, dat sa possibilidade de visitare 57 monumentos de su patrimòniu artìsticu, culturale e religiosu de sa tzitade.

PROGRAMMA

Chenàbura 13 de maju

H 18,00 in su palatzu de sos Iscolòpios - presentatzione de Archivum Civitatis Nostre Oristany, progetu de digitalizatzione de sos Llibres de Concilleria, pergamenas patrimòniu de su Comune de Aristanis e de s’Archìviu Istòricu. Partètzipant Antonella Casula, Giampaolo Mele, Enrico Fenu, Rossella Tateo, Maurizio Casu.

Sàbadu 14 de maju

Giru turìsticu de sos muros fortificados e de sas turres (cun guida) – Si movet dae sa turre de Marianu in oràriu 10/11/12 e 15/16/17.

Giru turìsticu de sas crèsias (cun guida) - Si movet dae pratza Roma in oràriu 9,30/10,30/11,30 e 15,30/16,30.

H 18 in sa crèsia de Santu Giuanne de Frores - Cunferèntzia “Gli antichi oratori del Gremio dei Contadini”. Partètzipant Gigi Piredda, Michela Poddigue e Maurizio Casu. In collaboratzione cun MuseoOristano e cun s’Archìviu de Istadu de Aristanis.

Domìniga 15 de maju

Giru turìsticu de sos muros fortificados e de sas turres (cun guida) – Si movet dae sa turre de Marianu in oràriu 10/11/12 e 15/16/17.

Giru turìsticu de sas crèsias (cun guida) - Si movet dae pratza Roma in oràriu 9,30/10,30/11,30 e 15,30/16,30.

H 18,30 in sa sala cunferèntzias de Hospitalis Sancti Antoni (carrera Casteddu n° 157) – Presentatzione de su libru de Mario Guerrini “Banditismo. I segreti di un reporter televisivo. Partètzipant s’autore e Paolo Sanna Caria.

Sos monumentos

Sos monumentos si podent visitare (sena pagare nudda) in sos oràrios chi agatades in su situ www.monumentiaperti.com.

Sunt abertos monumentos interessantes meda comente s’Archìviu istòricu comunale, su tzentru de documentatzione de sa Sartìglia, su museu arborense, su palatzu de s’archipìscamu, su cunventu de Santu Frantziscu, su monastèriu de Santa Clara, sa sede de su Grèmiu de sos mastros de linna, sa turre de Turremanna, sa basìlica de su Remèdiu e àteros meda.

Eventos e mustras

Pro more de s’impignu de tantos assòtzios, in sas dies de “Monumentos Abertos” s’ant a pòdere visitare finas sas espositziones permanentes de sa Sartìglia (in su Tzentru de Documentatzione omònimu) e de sa tzeràmica aristanesa (in su Hospitalis Sancti Antoni), su museu diotzesanu arborense e sa pinacoteca comunale.

Totu sas informatziones si podent agatare in su situ www.museooristano.it.

Sa direta de custa editzione de “Monumenti Aperti” si podet agatare finas in Facebook, Instagram e Twitter. Su tag ufitziale est #MonumentiAperti2022.

(GF.P.)