Logo della Provincia di Oristano

Provincia di Oristano - sito web ufficiale

Oe est sa Die mundiale de s’abba

22/03/2022  - 

Dae su 1992 sas Natziones Unidas ant istituidu sa Die mundiale de s’abba chi si tzèlebrat ogni annu su 22 de martzu. Sas Natziones Unidas pedint a sas natziones chi nde faghent parte de dedicare custa die pro acumprire sos inditos e detzisiones chi S'Assemblea Generale at deliberadu in contu de su bene mannu chi est s’abba. Abba de bufare, de impreare pro sa vida e sa salude de sos òmines ma fintzas de sos animales, pro s’agricultura e pro s’ambiente.

Sa Die mundiale de s’abba 2022 est dedicada a s’abba chi est in suta de terra, a cussa chi non si biet ma chi est pretziosa meda pro sa vida; su prus est abba lìmpia, est sa metade de s’abba potàbile, su 40% de sa chi s’impreat in agricultura, una parte de tres de sa chi serbit a sas indùstrias.

S’abba est a fundamentu de pro s’igiene e est de importu mannu chi su terrinu o in deretura s’abba non siant incuinados, guastados dae refudos de cale si siat genia e perigulosidade.

Unu milliardu de persones non tenent abba neta!

In su mundu su consumu de s’abba no est uguale pro totus ca sunt diferentes s’isvilupu, s’agricultura e s’indùstria, In sos Istados Unidos de Amèrica sa mèdia a persone est de 380 litros a sa die, in Itàlia est de 150 litros, in Àfrica est de 20 litros.

Su diritu a s’abba faghet parte de su diritu a sa vida de sa Decraratzione universale de sos diritos umanos de s'ONU; est unu diritu umanuuniversale a fundamentu de sa vida - pro su nutrimentu e pro s'igiene - e de da dignidade umana.

(MM)