Sa Provìntzia de Aristanis at cuncordadu pro s'annu 2022 una sessione de sos esames pro leare s’idoneidade professionale a s’esertzìtziu de s’atividade de consulèntzia pro sa tzirculatzione de sos mezos de trasportu in istrada, in cunformidade a su chi est istabilidu dae su Regulamentu aprovadu cun deliberatzione de s'Amministradore Istraordinàriu n. 39/2019 de s’11 de abrile 2019.
Sa prova de s’esame at a èssere MARTIS 14 de LÀMPADAS 2022 a sas 9:00 de mangianu in sa sede de sa Provìntzia de Aristanis – Carrera Carboni sn , Aristanis - Pianu Terra - Àula de su Consìgiu
In sa pàgina printzipale de su situ istitutzionale de sa Provìntzia si agatant custos documentos:
Avisu pùblicu esames
Ischema A1
Ischema A2
Preguntas:
A - Tzirculatzione istradale
B - Trasportu de mertzes
C - Navigatzione
D - Registru Automobilìsticu Pùblicu
E - Regime tributàriu
______________________________________________________________________________
PROVÌNTZIA DE ARISTANIS
Setore Ambiente e Atividades Produtivas
Ufìtziu Trasportos
AVISU PÙBLICU
CUNVOCATZIONE ESAMES PRO LEARE
S’IDONEIDADE PROFESSIONALE PRO S’ESERTZÌTZIU
DE S’ATIVIDADE DE CONSULÈNTZIA PRO SA TZIRCULATZIONE
DE SOS MEZOS DE TRASPORTU IN ISTRADA L. 264/1991.
SU DIRIGENTE
Informat ca cun determinatzione pròpia n. 265 de su 06/04/2022, pro s’ANNU 2022 est istada cuncordada una sessione de sos esames pro leare s’idoneidade professionale pro esertzitare s’atividade de consulèntzia pro sa tzirculatzione de sos mezos de trasportu istradale, in cunformidade a su chi est istabilidu dae su Regulamentu aprovadu cun deliberatzione de s'Amministradore Istraordinàriu n. 39/2019 de s’11 de abrile 2019.
Sa prova de s’esame at a èssere MARTIS 14 DE LÀMPADAS 2022 a sas 9:00 de mangianu
in sa sede de sa Provìntzia de Aristanis – Carrera Carboni sn , Aristanis
Pianu Terra - Àula de su Consìgiu
Sos residentes in sa Provìntzia de Aristanis interessados a leare s’idoneidade in antis mentovada, depent presentare domanda impreende s’ischema A1 allegadu a custu Avisu, chi – pro no èssere esclùdidos – depet èssere compiladu in ogni parte sua, firmadu a manera giusta e depet tènnere allegados totu sos documentos chi serbint.
Sos chi ant giai presentadu sa candidadura pròpia pro sa de duas sessiones de s’annu 2020, cunvocada cun determinatzione dirigentziale n. 1177 de s’08/10/2020, chi sas provas de esame non sunt istadas acabbadas pro more de s’emergèntzia sanitària dae su Covid19, e chèrgiant fàghere s’esame in sa sessione cuncordada pro s’annu 2022, nde depent manifestare sa voluntade impreende s’ischema A2 allegadu a custu Avisu.
Sas domandas de ammissione a s’esame compiladas respetende s’ischema A1 o A2, pro no èssere esclùdidos, depent arribare,
a intro de mesudie (h. 12:00) de LUNIS 9 DE MAJU 2022.
SA domanda si podet presentare cun una de custas modalidades:
1) cun sa PEC a s’indiritzu provìntzia.aristanis@cert.legalmail.it;
2) cun racumandada A/R a s’indiritzu Provìntzia de Aristanis – Setore Ambiente e Atividades Produtivas – Ufìtziu Trasportos - Carrera E. Carboni – 09170 – Aristanis (non balet su timbru postale);
3) cunsignada a manos in sa Provìntzia di Aristanis - Ufìtziu protocollu, carrera Carboni sn Aristanis.
S’esame, comente istabilidu dae s’art. 5, comma 3, de sa L. 264 de s’08 de austu 1991, tenet una prova iscrita cun preguntas a risposta mùltipla predeterminada, chi pertocant custas disciplinas:
- A) Tzirculatzione istradale
- B) Trasportu mertzes
- C) Navigatzione
- D) Registru automobilìsticu pùblicu
- E) Regime tributàriu
A ogni candidadu at a èssere cunsignada un’ischeda cun chimbe preguntas pro ogni disciplina argumentu de esame, in totu 25 preguntas. Pro sa prova su candidadu tenet a disponimentu duas oras. Ant a èssere cunsiderados idòneos sos candidados chi ant àere rispostu a manera giusta a su nessi a bator preguntas de chimbe pro ogni disciplina argumentu de su programma de esame.
In allegadu a custu Aviso Pùblicu, in su respetu de su dispostu de s'art. 5 de sa Lege 8 de austu 1991, n. 264, est publicadu s'elencu generale de sas preguntas a risposta mùltipla chi, cun s’impreu de unu software informàticu, ant a èssere postas in sos chistionàrios de s’esame.
At a èssere s’Ufìtziu Trasportos chi at a publicare in s'Albo Pretòriu e in su situ istitutzionale de s'Ente sos nùmenes de sos candidados ammìtidos a sa prova de s’esame, sa sede, sa die e s’ora de sa cunvocatzione, a su nessi 15 dies in antis de sa die de sa prova.
Custa publicatzione tenet valore de notìfica vàlida pro cale si siat cosa.
Sos candidados ammìtidos a s’esame si depent presentare a sa prova, in su logu e in sa die fissados, cun unu documentu de identidade in cursu de valididade, cumpletu e chi si potzat lèghere in ogni parte sua, si no no ant a èssere ammìtidos. Sos candidados non podent giùghere a intro de sa sede de s’esame paperi pro iscrìere, apuntos, manuscritos, libros o publicatziones de cale si siat genia.
Sos esames s’ant a fàghere in su respetu de sos disponimentos de lege pro cumbàtere sa difusione de su COVID 19 chi ant a èssere in vigore cando s’at a fàghere s’esame; sas modalidades de respetu de sas règulas ant a èssere comunicadas cun informativa aposta publicada in s’Albo Pretòriu e in su situ istitutzionale paris cun s’elencu de sos ammìtidos.
Sas modalidades de acumprimentu de s’esame sunt iscritas a manera pretzisa in su “Regulamentu pro leare s’idoneidade professionale pro esertzitare s’atividade de consulèntzia pro sa tzirculatzione de sos mezos de trasportu istradale l. 264/1991” a disponimentu in www.provìntzia.aristanis.it , setzione “Regolamenti”.
Pro informatziones preguntare a s'Ufìtziu Trasportos su martis e sa giòbia dae sas 10:00 a mesudie (h. 12:00) a custu nùmeru de telèfono tel. 0783 793309.
Su Dirigente
Dot. Raffaele Melette
(MM)
