Su tempus malu firmat sa festa ma non s’entusiasmu: in Siamajori torrat “Saboris antigus de Simaiori”. S’initziativa, a s’inghitzu fiat prevìdia po domìnigu 15 de donniasantu, dd’ant trentzida a sàbudu 12 e domìnigu 13 de meseidas, cun unu programma ancora prus ricu. Si cumentzat sàbudu 12, h. 09:00, cun sa preparatzioni de is “stand” innui artesanus e produtoris localis portant ogetus, fruta e birdura de istagioni. A h. 12:00 (mesudì) tastadura de is màndigus caraterìsticus de su logu chi vàriant de su “Cìxiri cun craxolu” a sa “Petza imbinada”, a su “Pani indorau” e a is “Pabassinus”, cun su pràngiu chi at organizau sa Pro Loco.
A merì, a cumentzai de h. 15:00, su tzentru de sa festa si trentzit in antis de su palcu po s’ispetàculu de Giuliano Marongiu e de is istràngius suus.
Su domìnigu, s’acadessimentu sighit cun momentus dedicaus a s’aprofundimentu culturali cun una giornada de istùdiu, mustras a tema e àteru istentu. “Saboris Antigus de Simaiori” ddu organizat sa Pro Loco e su Comunu.