A centu annus de sa nàscida de Italo Ortu, s’Assòtziu culturali “Nòstos” cun su patrocìniu de su Consillu regionali de Sardigna e de su Comuni de Aristanis, partepari cun sa Fundatzioni Sardinia, at cuncordau unu cunvènniu “Chent’annos de impinnu pro sa Sardigna”, sàbudu 21 de su mesi de onniasantu in sa sala de is cunferèntzias de s’Hospitalis Sancti Antoni movendi de is 10 de mangianu.
At a inghitzai is traballus, Antoni Flore, sìndigu de Iscanu, a sighiri s’arregordu de is fillus de Italo Ortu, Savina e Iosto.
A s’acabbu, apustis de is saludus istitutzionalis de Massimiliano Sanna, sìndigu de Aristanis, ant a chistionai Raimondo Zucca, docenti universitàriu, Salvatore Cubeddu sotziòlogu e diretori de sa Fundatzioni Sardinia, Marcello Marras, diretori de su Tzentru Servìtzius Culturalis UNLA de Aristanis, Antonio Moro, presidenti de su Partidu Sardu de Atzioni.
A s’acabbu de custus interbentus nci at ai logu a is arregordus de is chi bolint chistionai.
Acabbat s’arraxonada de su cunvènniu Antoni Flore, sìndigu de Iscanu.
Italo Ortu fiat nàsciu s’8 de freàrgiu de su 1926 in Bauladu e est mortu su 24 de abrili de su 2023 in Aristanis, est stètiu sìndigu de Bauladu, consilleri e assessori regionali, faineri in s’atividadi amministrativa, polìtica, favoressendi sa cultura, sa lìngua e s’identidadi sarda.
S’atòbiu est abertu a totus.