Nascit su Festival “TRES –L’Isola delle parole”, una rassìnnia culturali noba dedicada a sa literadura, a is diàlogus, a sa mùsica, a su teatru e a s’atóbiu cun is autoris.
Cuatru dìs de atóbius po afestai sa fortza de is fueddus, prummovi sa literadura e creai ocasionis de atóbiu, arrexonamentu e cunfrontu intru de autoris, letoris e comunidadi. Su Festival, a sa primu editzioni, si fait in sa bidda de Tresnuraghes su 5, 6 e 7 de meseidas, in su Tzentru “Mastinu Marras”, cun unu programma de istràngius e protagonistas de su panorama culturali e literàriu. Su 3 de meseidas in Bosa ddoi at un’atóbiu de anteprima, chi fait cumentzai in manera ufitziali sa manifestatzioni.
Su Festival ddu organizat s’Amministratzioni comunali de Tresnuraghes, cun su cuntribbutu de sa Regione Autònoma de sa Sardigna, paris cun “Fondazione Bosa”. S’acumpridura est a incuru de “Associazione Enti Locali” e de “MusArTe”, cun sa diretzioni artìstica de Anthony Muroni.
Un’atóbiu nou po su territóriu, un’ocasioni po si torrai a agatai a ingìriu de sa cultura e torrai a iscoberri su valori de is fueddus cumenti a aina de connoscéntzia, diàlogu e partetzipatzioni.
S’amministratzioni comunali cumbidat tzitadinus, amantiosus e abbisitadoris a partetzipai e a cumpartziri custa primu editzioni de su Festival.
TRES- L’ISOLA DELLE PAROLE
Cuatru dìs, medas boxis, un’ìsula de contai.