ESÀMENE PRO ATIVIDADES DE CONSULÈNTZIA TZIRCULATZIONE MEZOS DE TRASPORTU
S’informant sos candidados ammìtidos ca s’esàmene at èssere MARTIS 14 de LÀMPADAS 2022 a sas 9:00 de mangianu in sa sede de sa Provìntzia de Aristanis – Carrera Carboni sn , Aristanis - Pianu Terra - Àula de su Consìgiu - tzentralinu 0783/7931
S’Ufìtziu Trasportos de su Setore Ambiente e Atividades Produtivas, Servìtziu Agiudu a su Sistema Produtivu, Educatzione Ambientale, Isvilupu Sostenìbile at publicadu s’elencu de sos ammìtidu a s’esàmene pro leare s’idoneidade professionale a s’esertzìtziu de s’atividade de consulèntzia pro sa tzirculatzione de sos mezos de trasportu istrada (ex L. 264/1991), in cunformidades a su chi est istabilidu dae su Regulamentu aprovadu cun deliberatzione de s'Amministradore Istraordinàriu n. 39/2019 de su 11 de abrile 2019.
Sa data de sa prova de s’esàmene - sessione 2022 est MARTIS 14 de LÀMPADAS 2022 a sas 9:00 de mangianu in sa sede de sa Provìntzia de Aristanis – Carrera Carboni sn , Aristanis - Pianu Terra - Àula de su Consìgiu - tzentralinu 0783/7931.
Sos candidados ammìtidos sunt obligados a si presentare a sa prova, chie non si presentat no at a èssere ammìtidu:
- cun s’autodecraratzione cunforma a sos artìculos. 46 e 47 d.p.r. n. 445/2000, compilada a manera giusta e sutascrita, chi atestat su rispetu de sas normas anti-COVID-19 in vigore a sa data de s’esame, comente in su modellu Allegadu c) a disponimentu in su situ istitutzionale www.provincia.or.it ;
- cun unu documentu de identidade validu, cumpletu e chi si potzat lèghere in ogni parte sua.
S’esàmene, comente istabilidu dae s’art. 5, comma 3, de sa L. 264 de s’8 de austu 1991, est una prova iscrita cun domandas a risposta mùltipla predeterminada, chi pertocant custas disciplinas:
- A) Tzirculatzione istradale
- B) Trasportu mertzes
- C) Navigatzione
- D) Registru automobilìsticu pùblicu
- E) Regime tributàriu
A ogni candidadu at a èssere cunsignadu unu cuestionàriu cun 25 domandas (5 domandas pro ogni disciplina argumentu de s’esàmene pretzisada in s’elencu).
Su candidadu tenet a disponimentu duas oras pro sa prova.
Sos candidados non podent giùghere a intro de sa sede de s’esàmene dispositivos eletrònicos, paperi pro iscrìere, apuntos, manuscritos, libros o cale si siat àtera publicatzione.
In sa nova publicada in limba italiana in custu situ istitutzionale si agatant custos documentos:
Determinatzione n. 377/2022
Elencu ammìtidos
Autotzertificatzione Covid
Avisu pùblicu esàmene
Ischema A1
Ischema A2
Domandas:
A - Tzirculatzione istradale
B - Trasportu de mertzes
C - Navigatzione
D - Registru Automobilìsticu Pùblicu
E - Regime tributàriu
Sa publicatzione de sa nova in limba italiana in su situ istitutzionale de sa Provìntzia tenet valore de notìfica a totu sos efetos de lege.
(MM)
